{"id":12759,"date":"2025-05-08T11:21:52","date_gmt":"2025-05-08T09:21:52","guid":{"rendered":"http:\/\/kalapie.org\/?p=12759"},"modified":"2025-05-08T11:21:52","modified_gmt":"2025-05-08T09:21:52","slug":"bizikleta-mugikortasuna-munduan-zehar-nantes","status":"publish","type":"post","link":"https:\/\/kalapie.org\/eu\/2025\/05\/08\/bizikleta-mugikortasuna-munduan-zehar-nantes\/","title":{"rendered":"Bizikleta mugikortasuna munduan zehar: Nantes"},"content":{"rendered":"

Kalapieko kideok, bizikletako mugikortasunaren zale amorratu garenez, asteburuako ihesaldiak eta oporrak aprobetxatzen ditugu beste hiri batzuetako bizikletazko mugikortasuna nola diseinatu eta planifikatzen den ikusteko. Iaz hasitako artikulu sorta honetan, bisita hauetan ikusitakoa ezagutarazi nahi dugu. Oraingoan, Frantziako Nantes hiriari buruzko informazioa emango dugu.<\/p>\n

Deskribapen orokorra<\/span><\/h1>\n

Nantes Frantziako iparraldean dagoen hiria da, Loira ibaiaren ertzean, Ozeano Atlantikotik 50 km-ra. Loira Atlantikoko departamenduko eta Loirako Herrialdeetako hiriburua da. Hiriak 278.000 biztanle ditu eta metropoli-eremuak 780.000.
\n<\/span><\/p>\n

\"\"
\nGeografikoki, Loira eta Erdre ibaiek zeharkatzen dute hiria. Erdigunea gehienbat laua da, baina malda txiki bat dago ibaitik urruntzen garen heinean, eta eremu zehatz batzuek malda handi samarrak dituzte. Klima euritsua da, 120 eguneko prezipitazioarekin urtean batez beste, eta urteko batez besteko tenperatura 12,7\u00baC-koa da (Donostian 13,8\u00baC-koa da, eta urtean 180 egunetan egiten du euria).<\/span><\/p>\n

Nantes M\u00e9tropole (https:\/\/metropole.nantes.fr\/<\/a>) erakundeak kudeatzen du Nantes hiriaren eta inguruko beste 23 erkidegoen (udalerrien) mugikortasuna. Erkidegoek autonomia dute zenbait gai kudeatzeko, hala nola lehen hezkuntzako eskolen kudeaketa, kultura-jarduerak eta zerbitzu komunitario batzuk, baina beste eskumen batzuk M\u00e9tropole erakundeak kudeatzen ditu modu partekatuan, hala nola garraio publikoa (autobusa, tranbia, bizikletak), hirigintza eta lurralde-plangintza, ingurumena eta hondakinen kudeaketa eta garapen ekonomikoa eta etxebizitza. Mugikortasun guztien kudeaketa Naolib markaren pean zentralizatuta dago (https:\/\/naolib.fr \/<\/a>). Behar duten pertsona guztiek web, telefono edo bulego bidez eskura ditzakete beren zerbitzuak.<\/span><\/p>\n

Nola mugitzen da Nantes?<\/h1>\n

Lehenik eta behin, Nantes zeharkatzean, atentzioa ematen du hiriguneko kale gehienak oinezkoentzat direla: plataforma bakarrekoak, eta egoiliarren ibilgailu motordunak edo baimena dutenak bakarrik sar daitezkeela noizean behin. Horri esker, ia autorik gabeko hiria da, oso erosoa eta atsegina oinez edo bizikletaz ibiltzeko.<\/p>\n

Nantesek garraio publikoko sistema integratu eta eraginkor bat du, TANk kudeatua, tranbiak, autobusak, ibai-busak eta bizikleta partekatuen zerbitzu bat konbinatzen dituena. Tranbia, T1, T2 eta T3 lineekin, hiri-mugikortasunaren ardatz nagusia da, hiriko gune nagusiak azkar eta modu fidagarrian lotuz. Autobus-sare zabalak tranbia osatzen du, eta trenbide-azpiegitura iristen ez den auzo eta eremuetarako sarbidea errazten du. Gainera, ibai-busen sistemak Loira ibaia garraiobide gisa baliatzen du, alternatiba eszeniko eta iraunkor bat eskainiz. Eta gainera, hiriak bizikleta publikoen zerbitzu bat du (Bicloo). Honek mugikortasun aktibo eta iraunkorra sustatzen laguntzen du, batez ere hiri-tarte trinkoenetan. Nantes M\u00e9tropolek koordinatzen du sistema osoa.<\/p>\n

\"\" \"\"
\nNantes M\u00e9tropoleren datuen arabera, hirian gehien erabiltzen den garraiobidea garraio publikoa da, % 35eko banaketa modalarekin. Ondoren, motordun ibilgailu pribatua dago % 32rekin, eta mugikortasun aktiboa (bizikleta eta oinezko joan-etorriak barne) % 33 da. Nantesen bizikletaren erabilera nabarmen hazi da azken urteetan, 2023an % 8ko banaketa modalera iritsiz, nahiz eta Frantziako beste hiri batzuen atzetik jarraitzen duen (Estrasburgo edo Bordele adibidez) oso zifra ona da. Donostia, erabilera hedatuarekin, ez da % 5era iristen.<\/p>\n

Trafiko motordunaren kudeaketari dagokionez, Nantes asmo handiko neurriak hartzen ari da autoaren erabilera murrizteko, hala nola: aparkalekuak murriztea, oinezkoen esparruak zabaltzea, trafikoa baretzea eta antzekoak. Emisio baxuko eremu bat ere badu, duela gutxi 2025eko urtarrilaren 1ean martxan jarri dena. (<\/span>https:\/\/metropole.nantes.fr\/zfe#serviceTocEntry0<\/span><\/a>)<\/span><\/p>\n

Bizikleta bidezko mugikortasuna sustatzeko politikak eta abian dauden planen xehetasunak<\/h1>\n

Nantesek abian du 2021-2026 aldirako bizikleta-plan bat, metropoli-eremu osoan bizikletaren erabilera sustatzeko. Helburu hori garatzeko, planak bi printzipio argi ditu:<\/p>\n

    \n
  1. Bizikletaz mugitzea segurua izan behar da.<\/li>\n
  2. Bizikletaz mugitzeko lekua irabazi behar da, autoarentzako lekua murriztuz.<\/li>\n<\/ol>\n

    Planak irauten duen bitartean (2021etik 2026ra), M\u00e9tropole sozietateak 115 milioi inbertituko ditu bizikletarako jarduketetan. Planaren helburua hirian bizikletaren erabilera 4 aldiz biderkatzea da!<\/p>\n