{"id":8226,"date":"2019-08-02T15:24:09","date_gmt":"2019-08-02T13:24:09","guid":{"rendered":"http:\/\/kalapie.org\/?p=8226\/"},"modified":"2019-08-02T15:24:09","modified_gmt":"2019-08-02T13:24:09","slug":"bizikletentzako-aparkalekuak-donostian","status":"publish","type":"post","link":"https:\/\/kalapie.org\/eu\/2019\/08\/02\/bizikletentzako-aparkalekuak-donostian\/","title":{"rendered":"Bizikletentzako aparkalekuak Donostian"},"content":{"rendered":"

Kalapie hiriko txirrindularien elkarteak zorionak eman nahi dizkio Mugikortasun Sailari egin duen azken LAISTERBIDOL<\/a>\u00a0kanpainagatik. Izan ere, herritarroi gomendatzen digu, hiriko zirkulazio-arazoen aurrean, soluzio onena autoa etxean uztea eta oinez, bizikletaz edo garraiobide ez hain kutsakorretan (autobusean eta trenean) ibiltzea dela. Zorionak, bada. Bestetik, Kalapiek gogorarazi nahi dio Udalari 32 urte daramatzala gauza bera errepikatzen, guri jaramon handirik egin gabe.<\/span><\/p>\n

Ohi bezala, Kalapiek kanpaina horretan parte hartu nahi du, eta, hasteko, bizikletarekin erlazionatutako alderdi oso zehatz eta polemiko bati heldu nahi diogu: aparkalekuak.<\/span><\/p>\n

Hirian bizikleta asko ibiltzen diren uneetan, esaterako udan, Zinemaldian eta Jazzaldian zehar, gorriak ikusten dituzte txirrindulariek bizikletak aparkatzeko, eta toki erosoenetan uzten dituzte bizikletak. Horren aurrean, noizean behin Udalak isunak jarri, giltzarrapoak moztu eta bizikletak gorde egiten ditu. Aldi berean, Udala ahaleginak egiten ari da arazo hori konpontzeko, besteak beste, hondartzen inguruko eremuetan eta beste hainbat lekutan aparkaleku gehiago jarrita. Baina bi aldeak, bai Udala bai isunak jaso dituzten txirrindulariak, konforme ez daudela ikusita, Kalapiek uste du ez dela behar besteko soluziorik eman. Udalaren iritziz, zentzuzkoa da isunak jartzea txirrindulari asko ibiltzen diren eremuetan eta zona kritikoetan aparkaleku libreak daudelako. Isunak jaso dituzten pertsonak, berriz, haserre daude, haien esanetan, bizikletentzako aparkalekuetan bizikleta uztea ezinezkoa delako, aparkalekuak beteta baitaude. Desadostasuna da nagusi eta, egoera horretan, Kalapiek eskatzen dio Udalari, isunak jarri aurretik, ondo adieraz eta informa dezala non aparka daitezkeen bizikletak eta non ez.<\/span><\/p>\n

Nolanahi ere, Donostian, bizikletak aparkatzeko arazoa ez da urtaroaren araberakoa, ezta aldizkakoa ere. Gogorarazi nahi dugu txirrindulariok urte osoan zehar ditugula aparkatzeko arazoak. Badakigu Udala problematikari aurre egiteko lanean ari dela. Horregatik, eskatzen diogu plan zabalagoa prestatzea eta baliabide ekonomiko zein langile gehiago bideratzea arazoa konpontzeko, kontuan hartuta hurrengo urteetan hirian geroz eta bizikleta gehiago ibiliko direla.<\/span><\/p>\n

Energia Dibertsifikatzeko eta Aurrezteko Institutuak (IDEAk) argitaratu duen bizikletentzako aparkalekuen gaineko eskuliburuak<\/a> dioenez, bizikletaren eraginkortasuna eta erabilera handitu egingo da txirrindulariek bizikleta helmugatik gertu (oinez, gehienez, helmugatik 50 metrora edo 30 segundora) uzteko aparkaleku seguruak badituzte.\u00a0<\/span><\/p>\n

Hartzen diren neurriek helburu bikoitza izan beharko dute: bizikletaren erabilera erraztea eta espazio publikoa errespetatzea. Udalari eskatzen diogun planak neurri ezberdinak barne hartu beharko lituzke, bai beharrezko azpiegiturei, bai tartean dauden eragileen (dela txirrindularien dela Udalaren) jarrera-aldaketari begira.<\/span><\/p>\n

Hona hemen gure iradokizunak:<\/span><\/p>\n