Larunbat honetan… #thedatour

Beldurrezko Astearekin kolaborazioan eta Theda Bara zinema mutuko aktorearen omenaldian, argazki-tour batera gonbidatzen zaituztegu, denbora-makina izango dena ere: XX. mendearen hasierara eramaten gaituzten arkitekturen bila bidaiatuko dugu bizikletan, gure Thedak, zinemaren historiako lehen banpiresak, erreinatu zuen urteetara hain zuzen ere.

Etorri larunbat honetan urriaren 28an 17:00etan Donostiako Boulevard-era zuri-beltzez jantzita (kolorerik ez arropan) eta ez ahaztu zure bizikleta eta argazki-kamara. Kalapie-ren bandera dagoen puntuan egongo gara. Eta eramango zaitugu izarren ibilbide batetik zure argazkiak atera ditzazun (baita zuri-beltzean ere), eta gero sare sozialetan banatu ahal izango dituzun. #thedatour #200biziHorror