KALAPIE URUMEAKO INDUSTRIA-ONDAREAN BARRENA PEDALEI ERAGITEN

Laugarren irteera honetan, Kalapiek Urumeako industria-ondarea ezagutzeko txango bat antolatu du; izan ere, Urumea ibaia salgaiak garraiatzeko bide nagusia izan zen.

Cristina Enea fundazioaren Hidrologikoak programarekin elkarlanean, Urumearen ezkerreko ibaiertzean zehar ibili gara bokaletik Fagollagaraino; eta, gero, eskuineko ibaiertzetik itzuli gara, lehengo eta oraingo mugarri industrial garrantzitsuenak.

Kalapieko kide trebatua den Giulianok gidatu eta iruzkindu dutxirrindulari-martxa zuhurtzia handiz, eta harekin batera elkarteko beste kide batzuk eta 20 txirrindulari joan gara. Geldialdi tekniko ugari egin ditugunez, gidariak azalpen interesgarri eta zehatzak eman dizkigu, txangoa Loiolako kultur etxean amaitu arte. Kultur etxeko zuzendaria, Jon Urbieta, lagun izan dugu ibilbidean zehar, hamaiketakoan eta Urumeako ibarraren historiaren eta ondarearen aberastasunaren balioa azpimarratzen duen argazki-erakusketa bisitatzen.

Bizikletetan PM 2,5 partikulak neurtzen dituzten gailuak eraman ditugu, Kalapieren irteeretan egin ohi dugun bezala, eta emaitzak parte-hartzaileekin iruzkindu ditugu geldialdi teknikoak egitean.

Hauteman dugu kutsadurak bat-batean gora egin duela baratze-eremu batean, non uztondoak erretzearen ondorioz, erre-usaina nabaritzen baitzen, bai eta Hernaniko industria-instalazio baten inguruan ere.