Eusko Jaurlaritzak aurreikuspen eta ekintza ezaz gure nahigabea adierazten dugu

Biziz Bizi, Kalapie, Bizikleteroak, Gurpil Artea eta Balazta Euskadiko hiri-txirrindularien kolektibook, gure nahigabea adierazi nahi dugu, gaur bertan  EAEko zenbait espazio publikotan bizitutako egoeraren aurrean, Eusko Jaurlaritzak aurreikuspen eta ekintza ezaz jokatu izanagatik, jende pilaketak gertatu zitezkeela aurreikusia eta ohartarazia bazen ere.

Nekane Murga Osasun sailburuak prentsaurreko batean gaur azaldu duenez, “Dena ezin da erakundeetatik etorri, eta eremu horietara joateak ekar dezakeen arriskuaz jabetzeko eskatzen diet pertsona guztiei, nire ustez erakargarriagoak izan baitaitezke kirola egiteko edo egoteko”.

Gure elkarteetatik gogorarazi nahi dugu duela astebete eskatu geniela osasun, mugikortasun, iraunkortasun, herritarren segurtasun, ingurumen eta Eusko Jaurlaritzako ogasun arloetako administrazio arduradun eta eskumena dutenei, krisiari aurre egiteko, eta Covid-19aren deseskaladari aurre egiteko, herritarrei osasun eta bide-segurtasunerako ahalik eta bermerik handieneko egonaldia eta mugikortasuna ahalbidetzeko beharrezko neurriak berehala gaitzeko espazio publikoan.

Gaurko egunez, Eusko Jaurlaritzan ez da horren inguruko mugimendurik ikusi; izan ere, hiri asko ari dira horrelako neurriak ezartzen, eta maiatzaren 1eko BOEk horri buruzko argibide argiak jasotzen zituen, gure kolektiboek egindako proposamenen norabide berdinean:

“Segurtasun-distantziari eutsi ahal izateko, toki-erakundeek espazio publikoaren banaketa erraztuko dute oinez doazenen eta bizikletaz doazenen alde, lehentasun-ordena horretan.”

Eusko Jaurlaritzak jakin behar du espazio publikoaren banaketa ezin dela autoaren aldekoa izan, eta paseatzen, kirola egiten edo oinez edo bizikletaz mugitzen diren pertsonen pilaketak saihesteko, leku gehiago eman behar zaiela.

EBko beste estatu kide batzuk aurrekontu-partida garrantzitsuak bideratzen ari dira bizikletaren erabilera bultzatzeko, adibidez, Frantziak 20 milioi euro bideratuko ditu horretarako.

Beste hiri batzuk prestatzen ari diren neurrien adibideak: