Zarautzeko autobus geltokian bizikleta aparkalekuen eskaera

Joan den urtearen amaieratik Zarautzeko San Pelaioko tren geraleku berria eraikitzeko lanak egiten ari dira, eta, horren ondorioz, inguruko eremua hesitu da eta inguruan zeuden bizikletentzako aparkalekuak kendu dira. Aparkaleku horiek zerbitzua ematen zieten, batez ere, Suhitzaileen Biribilgunean geltokia duten eta geltokiraino bizikletaz joaten diren autobusen erabiltzaileei.

Aparkaleku alternatibo gutxi batzuk jarri ziren, baina argi eta garbi ez dira nahikoak. Abuztuan autobusa erabiltzen duten pertsonen joan-etorria oso txikia denean, gainerako hilabeteekin alderatuta, aparkalekuak beteta daude. Uztailera arte, neurri batean, Mitxelena kaleko arkupeetan aparkatzeko aukerarekin konpontzen zen arazoa, baina obraren garapenarekin aukera hori ere kendu egin da.

Obrek oraindik urtebete baino gehiago dute aurretik, eta pentsatzekoa da ikasturtea hasi bezain laster autobusa hartu behar duten ikasleen kopuruak egoera jasanezin bihurtzea. Horregatik, San Pelaioko geraleku berriko obrek irauten duten bitartean Suhiltzaileen Biribilguneko geltokiari zerbitzua emango dioten bizikletentzako aparkaleku berriak jartzea eskatzen dugu.

Kalapietik azpimarratu nahi dugu intermodalitateak bizikletaren eta garraio publikoaren erabilera sustatzeko duen garrantzia. Konbinazioa erraza eta erosoa ez bada, erabiltzaileek garraio pribatua gehiago erabiltzeko joera izango dute. Kontuan izan behar dugu, halaber, Zarautz tamaina handiko udalerria dela, eta egunerokoan oinezko egiteko distantziak luzeak ere izan daitezkeela. Gainera, suhiltzaileen estazioa herriko gune nagusitik urrun samar dago. Bizikleta, alde horretatik, oso lagungarria da geltokira azkar eta eroso iristeko. Bizikletaren aparkalekua funtsezkoa da konbinazio funtzionala egin ahal izateko; izan ere, Bilbora edo Donostiara autobusez joaten den pertsona batek bere bizikleta aparkatuta utziko du egunaren zati handi batean. Beraz, uste dugu geltoki nagusien ondoan aparkaleku on bat egitea funtsezkoa dela udalerrian bizikleta eta garraio publikoa sustatzeko, eta udalari eskatzen diogu ahalik eta lasterren jardun dezala, urte honetan zehar herritarren artean ohitura negatiborik har ez dadin.