Kalapieri elkarrizketa “Revista Obras Públicas” aldizkarian

 Kalapie elkarrizketatua izan da “Revista de Obras Públicas” aldizkarian Donostiari buruz atera berri duten monografikoan aldizkariaren 3646 zenbakian.

“Revista de Obras Públicas” aldizkaria, Espainiako Bide, Ubide eta Portuetako Ingeniarien Elkargoak kudeatua, ingeniaritza zibilean, eraikuntzan eta, oro har, obra publikoetan espezializatutako argitalpena da. Artikulu teknikoak, ikerketak, kasu-azterketak, albisteak eta azpiegitura-proiektuekin, hiri-garapenarekin, garraioarekin eta ingurumenarekin lotutako gaiak jorratzen ditu, eraikuntzaren eta ingeniaritza zibilaren sektorerako garrantzitsuak diren beste gai batzuen artean.

Aldizkari hau informazio iturri garrantzitsua da sektoreko profesionalentzat, ingeniarientzat, arkitektoentzat, eraikuntza enpresentzat, gobernu erakundeentzat, akademikoentzat eta lan publikoen alorrean eta hirien garapenean izandako aurrerapenak eta joerak ezagutzeko interesa duten ikasleentzat. Ohore handia izan da, beraz, Kalapierentzat hiriari eskainitako zenbakian parte hartu ahal izatea.

Elkarrizketa osoa esteka honetan aurki dezakezue: “Una ciudad de bicicletas es mucho más sana”

Otsailaren 28an, 10:00etan, monografikoa aurkezteko ekitaldia egingo da udaletxeko osoko bilkuren aretoan, Eduardo Chillidaren mendeurrena eta Jose Maria Eloseguiren omentzeko ekitaldiarekin batera. (Aurkezpenari buruzko informazioa)