GPSa erabiltzen ikasi ezazu

Bizikletarekin GPSa erabiliko bagenu?

Gero eta errazagoa da GPSa erabiltzea. Biderkatu egin dira erabilpen-esparruak.

Bizikletaz (edo oinez) txangoak egiten ditugunean mesede egingo digu, baita ingurukoa ez den leku batean pedalei eragin nahi badiegu ere. Landan edo mendian barrena ibili nahi badugu behar-beharrezkoa zaigu. Gainera, ibilbideak egin ahala gorde ditzakegu, eta egindakoen mapa, km, denbora eta desnibelen berri izan. Hori guztia lagunekin partekatu dezakegu, irudiekin… egiten dugun moduan.

Ikastaroan parte hartzeko materiala:

• Smartphonea (Internet duen telefonoa), beharrezkoa.
• Ordenagailua, aukerakoa (tabletarekin deserosoagoa).

Ikastaroan:

• GPSaren funtzionamendua gainbegiratu: sateliteak.
• GPSrik ohikoenen berri eman: mendikoa, eskumuturrekoa, telefonokoa eta gure mugikorrekoa (Android eta iPhone).
• Mugikorrean zer programa instalatu? Wikiloc programa mugikorrean instalatu, eta erregistratu. Gero, ibilbide bat grabatuko dugu gorde eta lagunekin partekatzeko.
• Beste norbaitek egindako ibilbideak aurkitu, eta berrerabiltzen ikasi
• Ibilbidea antolatu, txangoan orientatzeko.
• Zenbait programa gainbegiratu: Mugibili, MotionX-GPS, OruxMaps, Strava, Alpify. Maps me, Google Maps.
• Beste: bizikleta-aingurak, bateria…