Kalapiek bat egin du Donostiako hirigintza politika salatzeko manifestazioarekin

Kalapiek bat egin du Donostia Defendatuz, auzo-elkarte eta gizarte-mugimendu erakunde eta entitateek osatutako koordinatzaile apartidistatik, egungo gobernu-taldeak sustatzen duen hiri-eredua salatzeko deitutako manifestazioarekin. Manifestazioa datorren igandean, maiatzaren 21ean izango da, 12: 00etan, Easo plazan.

Elkartetik bat gatoz deialdiko manifestuan mugikortasunari zuzenean eragiten dioten eta herritarrei kalte egiten dieten ekintzen salaketa askorekin, Bereziki:

• San Bartolome muinoan 4 solairuko merkataritza-gunea eta lurpeko aparkalekua egiteko proiektua.
• Lurpeko aparkalekuak, hirian trafikoa handitzea eragiten dutenak, mugikortasunaren eta osasunaren kaltetan.

Kalapietik aipatu nahiko genuke ere ez gaudela pozik udaletik legealdi honetan egin den kudeaketarekin, zehazki arrazoi hauengatik:

• COVID-19aren pandemian, urrezko aukera bat galtzen utzi da mugikortasun aktiboa sustatzeko ez baitzen behin-behineko erreirik jarri txirrindulari eta oinezkoentzat, elkartetik behin eta berriz insistu bagenuen ere.
• Udalak Kalapie alde batera utzi du eta parte-hartzea eskasa izan da, bizikletaren behatokitik bota gaituzte aldez aurretik abisatu gabe, eta mugikortasun kontseilua, Kalapie parte hartzen duena, ez da deitzen 2021eko apiriletik.
• Bidegorri berrietan diseinu pobreak eta saihets daitezkeen oinarrizko akatsak egin dira.
• Autoari lekua murrizteko erresistentzia handia eta zenbait kasuetan, sinesgaitza bada ere, ibilgailu motordunentzako azpiegitura handitu da, hala nola Marrutxipiko lotunea edo San Bartolomeko aparkalekua.