Kalapieren jarduerak Mugikortasunaren Asterako

Kalapien urte osoan zehar luzatzen da Mugikortasunaren Astea. Izan ere, egunero borroka egiten dugu aire-kalitate hobea duen eta hain kutsatuta ez dagoen hiri ekologikoago bat eraikitzeko.

Nolanahi ere, hirian antolatzen diren jardueretan parte hartu nahi dugunez, bizikletan ibiltzen ikasteko ikastaroak eskainiko ditugu irailaren 21ean, 22an, 28an eta 29an.

Horrez gain, txirrindulari-martxa bat antolatu nahi dugu hiriko bidegorrietan barrena.

Hain zuzen, Route 25 km ibilbidea hiriko bidegorrietan barrena doa, eta donostiar zein bisitari guztiek (familiek, gazteek eta adinekoek) hiriko toki enblematikoenetara bizikletaz joateko aukera izan dezaten sortu egin da.

Kalapiek eta Udalak elkarlanean sortu duten ibilbide hau sustatu behar dugu, herritarrek urte osoan zehar erabil dezaten. Aldi berean Udalari eskatzen diogu, ibilbidean zehar, seinaleztapenak jartzea, txirrindulariak ez daitezen galdu hirian zehar ibiltzean.

Hala, herritarrak Route 25 ibilbide honetan parte hartzera gonbidatzen ditugu. Irailaren 22an, goizeko 10:00etan irtengo gara Bulebarreko kioskotik.

Ibilbidea hemen ikus daiteke:

http://www.donostiamovilidad.com/route25/index_es.html

http://kalapie.org/?s=route+25